8 de marzo, Día da Muller
Para conmemorar o Día da Muller, e ao fío do noso proxecto, fixemos por aulas (dende infantil a 6º de primaria) un traballo de investigación sobre mulleres galegas.
O resultado foi este fantástico mural. Ademais de todo o que aprendimos!
Podes ver a nosa celebración do Entroido o pasado día 13 de febreiro pinchando no enlace de abaixo
Vaise achegando o Entroido e, coma outros anos, para que nos vaiamos metendo pouco a pouco na festa, o Meco irá dicindo como temos que ir vestidos na xornada lectiva seguinte.
Estade moi atentas/os!
E, na medida do posible, procurade relacionar as vestimentas co noso proxecto anual.
Bo Entroido!
Este venres día 6 reuniuse de novo o grupo 1 do club de lectura para facer a actividade correspondente ao libro Contos por palabras. A actividade consistiu en xuntar imaxes con títulos do conto.
Tamén fixeron debuxos sobre o texto.
Este ano, para conmemorar o Día Escolar da Non Violencia e a Paz, no centro propuxemos un “roteiro” por Galicia con verbas relacionadas coa paz e lugares que dan paz.
Este foi o resultado final:
Onte, 30 de xaneiro, os grupos 5 e 6 do club de lectura tiveron a súa primeira posta en común do libro lido.
O grupo 5 lera O misterio das zocas e, despois de comentalo, fixeron este estupendo traballo entre todos nunha das ventás do corredor.
O grupo 6 tiña lido Unha misión para Clara. Falou del, relacionándoo co coidado da natureza e tamén coas lendas nas que saen os trasnos.
Ademais, eles/as tamén tiñan unha misión, que era a de traer unha caixa representando o libro.
Tamén se recuperou este día a sesión do grupo 4, que non se puidera desenvolver o venres pasado pola alerta meteorolóxica.
Nela relacionouse a familia dos Pampín coa realidade galega das casas dos pobos e co caciquismo. Ademais fixeron un debuxo do personaxe que máis lles gustou e o espuxeron aos compañeiros e compañeiras.
Finalmente recolleron o novo libro de lectura.
